Повеќе протестни собири почнаа денеска низ Израел како дел од „Националниот ден на отпорот“ против планираните реформи во правосудството, при што досега се уапсени 17 демонстранти, а една 40-годишна жена е повредена, пишува „Џерусалим пост“.
Израелските демонстранти денеска ги блокираа автопатиштата и се собраа во центарот на Тел Авив, на последните протести ширум земјата поради планираните реформи во судството на премиерот Бенјамин Нетанјаху.
Жена била удрена од автомобил на автопатот 531 кај Ранана, пренесена е во болница во критична состојба, додека полицијата го привела возачот на автомобилот кој удрил во жената.
