Полјаците на референдум ќе изјаснат за приватизација на државните компании, кој најверојатно ќе се одржи на денот на парламентарните избори, најави денеска лидерот на владејачката полска партија Јарослав Качински.
Тој соопшти дека првото прашање на референдумот ќе биде: „Дали поддржувате продажба на државните компании?
„Полско радио 24“ јавува дека на референдумот треба да има четири прашања. Долниот дом на полскиот парламент на седницата на 16 и 17 август ќе ја разгледа правната рамка за организирање на референдумот.
Владејачката партија Право и правда (ПиС) првично соопшти дека сака да одржи референдум за миграцискиот пакт на Европската Унија. Дел од аналитичарите тоа го протолкуваа како обид да се мобилизира тврдокорното ткиво меѓу нивните гласачи пред парламентарните избори на 15 октомври, кои многумина ги сметаат за најважни од 1989 година.
– За нас, гласот на обичните Полјаци е секогаш клучен, рече лидерот на ПиС, Јарослав Качински, во видео порака на социјалната мрежа X, поранешен Твитер. – Гласот на странските политичари, вклучително и на германските, нема никаква важност, додаде тој.
ПиС тврди дека главната опозициска партија Граѓанска платформа (ПО), предводена од поранешниот претседател на Европскиот совет Доналд Туск, е слуга на странски интереси, пред се германски. – Германците сакаат да го инсталираат Туск во Полска за да го распродадат заедничкиот имот, неговото потекло јасно го покажува тоа, рече Качински.
