Градежништвото и туризмот го надополнуваат недостатокот на работна сила со увоз на работници од странство, додека трговијата повеќе се фокусира на домашната понуда, па вработуваат студенти и пензионери.
Оаа гранка е прва по вработување на пензионери, покажуваат податоците на Хрватскиот завод за пензиско осигурување дека на крајот на јуни во трговијата на половина работно време биле вработени 4.649 пензионери, пишува Нови лист. Од друга страна, според податоците на Министерството за трговија.
Трговијата досега најмногу профитираше од одлуката на Владата за проширување на кругот на пензионери кои можат да работат и до половина од работното време, односно 20 часа неделно, без да ја загубат пензијата. Речиси секој петти пензионер кој така бил вработен во јуни работел во трговија.
На крајот на јуни 27.761 пензиониран граѓанин ги подобриле финансиите во домаќинството работејќи во пензија, што е за илјада повеќе од претходниот месец и за речиси пет илјади повеќе од истиот период лани. Бројот на вработени пензионери веројатно сè уште растеше во јули, а судејќи според огласите на хрватскиот Завод за вработување, потребата од работа на пензионерите во моментов се уште постои, особено во трговијата.
Во моментов се бараат 657 продавачи преку огласите објавени од Хрватската служба за вработување, повеќето од овие огласи се отворени до крајот на август или средината на септември. Во посебниот дел каде се нудат работни места за пензионери се нудат 105 вработувања во трговијата, па тоа значи дека планот на работодавачот е речиси секое шесто отворено работно место во следниот период да го пополни со пензионери. Најголем дел од работните места на веб-страниците на службите кои посредуваат при вработување студенти се од трговија.
Во сите три случаи работните места се нудат долго време и низ цела Хрватска, па очигледно не се мотивирани само од зголемениот интензитет на трговија во туристичката сезона. Очигледно, ниту неработната недела, за која работодавачите тврдеа дека ќе значи поголем број отпуштања во трговијата, не го намали притисокот од недостигот на работна сила, од кој трпат речиси сите стопански гранки во земјава.
Така, по трговијата, работните места медицински сестри најмногу им се нудат на пензионерите, а овие огласи најмногу ги објавуваат институциите за згрижување стари и изнемоштени лица. За нив очигледно се повеќе и повеќе ќе се грижат постари сограѓани, оние кои се во пензија, но се уште не се изнемоштени и се работоспособни. Околу илјада ипол пензионери половина од работното време веќе работат во здравството, а се почести се случаите државата да посегнува по лекари или медицински сестри кои веќе се во пензија. На пензионерите им се нудат и места готвачи, келнери и помошници во кујна, а објавена е и понуда за вработување на 14 пензионери како доставувачи.
