Бизнисменот Васил Божков, кого софискиот градски суд го стави трајно во притвор, ги оцени како „глупости“ тврдењата на обвинителството дека се допишувал со Евгениј Пригожин.
Ова е веста на денот од Република Бугарија, избрана на Бугарската телеграфска агенција (БТА) за објавување од МИА, согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат директно избрана од другата агенција вест на денот на соодветната земја, а другата агенција да ја објави на својот интернет сајт без промени со изрично посочување и цитирање на партнерот како извор.
„Глупости, ми поставувате глупави прашања, погледнете каков е правосудниот систем во Бугарија“, рече Божков на новинарите по излегувањето од судницата. Тој рече дека ќе поднесе жалба против неговото трајно апсење.
Неговиот адвокат Георги Гатев пред медиумите посочи дека првпат слуша за овие работи и нема начин да се поврзе со случајот.
Тоа се работи за кои не е јасно како и кога биле вклучени во случајот, приказни за Крим, за војната во Украина, Африка. Одамна знам дека има тајни податоци во случајот, но ова е незаконски бидејќи се работи за коцкарска дејност, коментира Гатев. Тој одби конкретно да одговори на прашање на БТА за тоа кои луѓе имаат интерес Божков да биде во притвор. Начинот на кој се покриваат настаните во последните денови покажува дека јавно некој има интерес, смета тој.
Изминативе денови се појави информација дека Божков го нарачал убиството на Алексеј Петров, пример даде Георги Гатев.
Адвокатот истакна дека во Обединетите Арапски Емирати има посебни традиции и никој не може да каже зошто Емиратите до сега не дозволувале Божков да се врати. Тамошните власти имале свое видуваме и никому не дадоа објаснување.
Обвинителот во случајот Ангел Канев за медиумите коментира дека поврзаноста со Пригожин е изведена од доказите собрани во случајот. На прашањето на БТА како е утврдено дека од другата страна на преписката навистина се работи за Евгениј Пригожин, а не некој друг со лажно име, Канев само рече дека тоа е утврдено со распит на сведоци, техничко и сметководствено вештачење.
