Македонскиот фудбалски интернационалец, Бојан Миовски постигна гол со кој Абердин избегна пораз на денешното гостување кај Сент Мирен во првата шкотска лига.
Абердин до 100. минута губеше со 2:1, кога Миовски ја презеде одговорноста и беше сигурен реализатор на најстрогата казна за конечни 2:2. Ова за Миовски беше втор лигашки погодок во новата сезона, а има постигнато голови во Лига Купот и Лига Европа.
