Рен, Фенербахче и Фрајбург обезбедија пласман во нокаут-рундата од фудбалската Лига Европа откако забележаа нови победи во натпреварите од 4.коло во групната фаза. Рен го победи Динамо Киев со 1:0 во групата Б во Варшава, а Кристофер Ву во 48. минута го постигна решавачкиот гол.
На гостинска победа се израдува и турскиот Фенербахче за кој настапува македонскиот репрезентативењц Езгијан Алиоски. Во натпревар со три пенали и еден црвен картон Фенербахче го совлада кипарскиот АЕК Ларнака (2:1) на екс- македонскиот репрезентативец Иван Тричковски. Фенер поведе во 16. минута со голот на Жоао Педро, израмни Иван Тричковски од пенал во 52. минута, но Миши Батшуаји им донесе нова предност на гостите во 80. минута од белата точка. Енер Валенсија имаше можност да погоди и за 3:1, но не реализираше удар од белата точка.
Во 85. минута АЕК остана со играч помалку. По четири кола водат Рен и Фенербахче со по 10 бода и имаат обезбедено пласман во следната рунда, но се уште е под знак прашалник кој ќе оди директно во осминафиналето, а кој во баражот. Прашањето за победникот од групата може да биде решено во следното коло кога овие два клуба ќе се сретнат во Истанбул. Третото место го држи АЕК со три бода, додека Динамо го забележа четвртиот пораз.
Фрајбургго совлада Нант со 4:0 на гости во групата Г, а головите ги постигнаа Лукас Кублер (26), Мајкл Грегорич (71), Мозес Симон (82-аг) и Вујеонг. Џеонг (87).
Во вториот натпревар од групата Карабаг и Олимпијакос одиграа 0:0. Фрајбург води со 12 бода пред Карабаг (7), Нант (3) и Олимпијакос (1).
Арсенал го победи Бодо/Глимт со 1:0 на гостински терен во 4. коло од групата А, откако минатата недела победи со 3:0 на домашен терен. Решавачкиот гол го постигна Букајо Сака во 24. минута. Во вториот натпревар од оваа група вечерва се среќаваат ПСВ Ајндховен и Цирих. Арсенал има девет бодови, Бодо/Глимт и ПСВ имаат по четири, а Цирих без бодови.
Во дерби колото од групата Ц Реал Бетис и Рома одиграа 1:1 откако Шпанците на Олимпико победија со 2:1. Хоакин Санчез ги доведе домаќините во водство во 34. минута, а Андреа Белоти израмни во 53. минута.
Бетис има 10 бодови, Лудогорец и Рома имаат по четири, а ХЈК без бодови.
