Брус Вилис веќе некое време се бори со посебен облик на деменција, а во јавноста често доаѓаат информации за него кои ги загрижуваат неговите обожаватели.
Сега се огласи и неговиот пријател Глен Кордон Карон, кој ја раскажа состојбата на актерот.
Како што открил, гласните способности на Брус биле влошени.
„Не сум секогаш добар, но се трудам да разговарам со него и неговата сопруга и да имам лежерен однос со неговите три деца. Со сите сили се трудев да останам во неговиот живот“, изјави режисерот и додаде:
„Она што ја прави оваа болест толку шокантна е тоа што ако некогаш сте поминале време со Брус Вилис, ќе знавте дека нема никој што повеќе се радувал на животот од него“. Го сакаше животот и сакаше да се буди секое утро и да се обидува да го живее животот во потполност“.
Режисерот додал дека чувствува дека Вилис сепак е истата личност, но дека во моментот има впечаток дека животот го гледа „низ мрежеста врата“.
„Чувствувам дека првите три минути знае кој сум“. Не е во целост комуникативен. Беше страствен читател, не сакаше никој да го знае тоа, но веќе не чита. Сите тие јазични вештини веќе не му се достапни, но тој сепак е Брус“, вели пријателот на актерот.
Да потсетиме дека Брус се повлече од актерството во 2022 година бидејќи му беше дијагностицирана афазија – нарушување на говорот. На почетокот на 2023 година, му беше дијагностицирана и фронтотемпорална деменција.
Оттогаш постојано е со семејството кое се грижи за него, а тука е и неговата поранешна сопруга Деми Мур со која има одлични односи.
