Поранешниот англиски репрезентативец Даниел Стариџ би можел од сосема бизарна причина да се најде зад решетки.
Како што пренесуваат англиските медиуми, по него е распишана потерница бидејќи не се појавил пред судот во Лос Анџелес, поради долг кон чесниот пронаоѓач на неговиот миленик.
Поранешниот напаѓач на Манчестер сити, Челзи и Ливерпул го загуби кучето на американската турнеја во 2019 година и потоа јавно ја објави потрагата по него. Понуди и парична награда.
Кога извесен Фостер Вашингтон, музичар од Лос Анџелес, го нашол и му го вратил кучето, англискиот напаѓач не му ја дал наградата што ја ветил.
Поради ова, целиот случај заврши на суд, а пресудата беше донесена во корист на Вашингтон.
„Се надевам дека ќе платат и нема да поднесат жалба. Се борам за моето право и за ветената награда. Не можам да верувам дека сето ова е готово”, изјави Вашингтон по пресудата.
Сега Даниел Стариџ се наоѓа на потерница, кога ќе биде пронајден ќе мора да му плати Вашингтон или ќе биде уапсен.
