Спречен шверц на 50 штеки цигари купени во фри-шоп на Богородица
Спречен шверц на 50 штеки цигари што грчки државјанин ги купил на фри-шоп и без да ги пријави сакал да ги внесе во РС Македонија преку граничниот премин Богородица известува Царинската управа.
Вкупната вредност на штеките цигари изнесува 85.900 при што вкупните царински давачки коишто лицето сакало да ги избегне изнесуваат 60.900.
Царинските службеници штеките цигари ги открија во фабричките шуплини зад тапацирот на задните врати од возилото со кое патувал грчкиот државјанин.
Штеките со вкупно 10.000 цигари се одземени, а против лицето е поднесена прекршочна пријава.
Царинска управа во рамки на своите надлежности спроведува активности за заштита на финансиските интереси на државата и сузбивање на нелегалната трговија.
