Израел погоди две села на југот на Либан во воздушен напад, објавија либанските медиуми.
Израел рано утринава изврши воздушен напад врз две села на југот на Либан, јави денеска либанската телевизија Ал Мајадин.
Израелски ракети го погодија Кафр Шуба и околината на Одаисех, се додава.
Израел: Погодени се повеќе воени цели на Хезболах во Либан
Израелската армија денеска соопшти дека нападнала воени цели на милитантната исламистичка организација Хезболах во пограничната област со Либан. Меѓу целите беше и набљудувачки пункт, од каде во средата беше истрелана противтенковска наведувана ракета врз градот Рош Ханикра, на северот на Израел, пренесува Ројтерс.
Израелската војска соопшти дека нападите биле извршени како одговор на нападите врз Израел во изминатиот ден. Според ИДФ, девет ракети биле лансирани од Либан, поради што се огласиле сирените во Кирјат Шмона и неколку околни населби.
