Израелскиот министер за одбрана Јоав Галант денеска изјави дека наскоро ќе пристигне наредбата за влез во Појасот Газа, кој е под контрола на палестинската милитантна група Хамас.
„Сега ја гледате Газа од далеку, наскоро ќе ја видите и одвнатре“, им рекол Галант на израелските војници на границата со Појасот Газа, според Тајмс оф Израел.
Нарeдбат ќе дојде, наскоро“, додаде Галант.
Шефот на Јужната команда на израелската армија Јарон Финкелман изјави дека копнената офанзива во Појасот Газа ќе биде „долга и интензивна“.
„Оваа војна ни беше наметната, со суров непријател кој ни нанесе голема штета. Но, ги запревме, силно ги удривме“, изјави Финкелман.
Тој додаде дека борбите сега ќе се преселат на територијата на Појасот Газа.
„Ќе ги победиме на нивна територија, но ќе биде потребно време и ќе биде тешко и интензивно“, рече тој.
