Ватикан несомнено е најпознат по тоа што е дом на папата. Но, тој го има најстарото население во светот. Жителите на микро-државата, опфатена со Рим, имаат средна возраст од 57,7 години.
За споредба, бројката е само 14,5 во Нигер, што го прави најмладата нација во светот.
Глобалниот просек за 2021 година беше 30, според статистиката составена од платформата Our World in Data поддржана од Универзитетот Оксфорд и објавена како интерактивна мапа, објави Мирор.
Во Ватикан, речиси сите негови 800 жители се свештеници и калуѓерки на кои им е доделено државјанство од папата или папската власт затоа што се влијателни или значајни со католицизмот, зголемувајќи ја возраста на неговото население.
По Ватикан доаѓаат Монако (54,5 години), островот Света Елена во Атлантскиот Океан (50,9), Јапонија (48,4) и Италија (46,8).
Португалија (45), Германија (44,9) и Грција (44,7) се рангирани во првите 20 земји со најстари популации.
И нашиот регион е со слични бројки. Бугарија е на 15.то место со најстаро население (44,5), Хрватска е на 17.то место (43,7), блиску до неа е и Словенија (43,2), а во Србија средната возраст е 42,9.
Македонија, според мапата е во многу подобра позиција со средна возраст од 38,3 години.
Велика Британија не спаѓа во категорија земји со старо население и таму средна возраст од 39,6 години е на 53-то место. САД имаат помлада популација од 37,7 години и се рангирани на 73-то место во светот.
Британија во 2021 година имаше наталитет од 10,1 на 1.000 луѓе, а САД имаше 11,1 раѓања. За споредба, тоа беше само 6,9 во Италија и 6,6 во Јапонија, покажуваат податоците.
На спротивниот крај на скалата, по Нигер се Централноафриканската Република (14,7), Чад (15) и Мали (15,1) кои имаат најмлада популација.
Ваквите бројки се поттикнати од тоа што Африка е најбрзо растечкиот континент во светот, според Обединетите нации и до 2050 година се очекува повеќе од половина од глобалниот раст на населението да се случи во Африка.
Нигер, кој има најмлада популација во светот, има највисока стапка на наталитет во светот, каде просечно една жена има 7,2 деца, според Бирото за референца за населението.
Стапката на наталитет во развиените земји опаѓа со години, при што просечните жени имаат две и пол деца до 2020 година, во споредба со пет пред 50 години.
Повисоките нивоа на образование и контрацепција и повеќе жени кои работат се смета дека се причина за загрижувачките трендови.
Експертите стравуваат дека општествата ќе завршат со „повеќе баби и дедовци отколку внуци“ и ќе се соочат со „мноштво“ предизвици, како што се премалку помлади луѓе за да работат кои треба да плаќаат данок и да се грижат за старите лица.
Истражувачите на World in Data забележаа дека 2018 година беше првпат да има повеќе луѓе ширум светот кои имаат над 64 години отколку што има деца под 5 години.
„Бидејќи глобалната популација на луѓе постари од 64 години ќе продолжи да расте, јасно е дека се движиме кон свет кој старее“, се додава во извештајот.
