Синоќешниот концерт на македонската поп-дива Калиопи (56) кој требаше да се одржи во салата на МТС во Белград беше откажан бидејќи непосредно пред почетокот во публиката се случи трагичен случај. Жена го загуби животот, откако и се слошило. Калиопи денеска за српските медиуми проговори за трагичниот настан.
– Зборувам во името на сите нас кои тажно и трагично ја доживеавме синоќешната трагедија. Најтажниот момент во мојата кариера. Голем шок за сите нас. Концертот уште не беше почнат, чекавме сите да влезат, да се наполни салата и да го славиме животот, а една од нив беше и госпоѓата што почина. Веднаш се симнав до публиката и сфатив дека имаме тежок случај. Сите се молеа да се случи чудо, но за жал, тоа не се случи. Еден живот вреди повеќе од стотина концерти. Госпоѓата е само една година постара од мене, не е од Македонија, таму беше и нејзината ќерка, се грижевме и за неа, додека остатокот од семејството не дојде на лице место. Жената е мајка на мој обожавател и не би го открила нејзиниот идентитет – изјави Калиопи во емисијата „Премиер-Викенд Специјал“.
Жената која синиќа почина била на концертот со пријателите и со ќерката, наеднаш изгубила свест и колабирала, поради што веднаш била повикана брза помош, но и по триесетминутно ренимирање, таа ја изгуби борбата со животот.
Првичните информација беа дека жената била на 70-годишна возратс и дека од Македонија дошла во Белград на концерт на Калиопи.
