Осумгодишното ирско-израелско девојче Емили Ханд, за кое се веруваше дека е убиено во првиот напад на Хамас, сè уште е живо и се држи во заложништво, соопшти израелското Министерство за надворешни работи.
„Се веруваше дека 8-годишната ирско-израелска Емили Ханд беше убиена од терористите на Хамас на 7 октомври. Сега знаеме дека таа е заложничка од терористите на Хамас во Газа. Ве молиме споделете го ова и помогнете ни да ја вратиме Емили дома“, напиша израелското Министерство за надворешни работи на социјалните мрежи покрај објавеното видео од Емили.
