УЕФА го казнија францускиот шампион ПСЖ со 98.000 евра поради инцидентите кои се случија за време на неодамнешниот натпревар против Милан во фудбалската Лига на шампионите.
„Светците“ го добија (3:0) овој меч одигран на 25 октомври на „Паркот на принцовите“, а казнети се со 75.000 евра за употребата на чадни бомби на трибините, 18.000 евра за блокирање на скалите на трибините и 5.000 евра и поради влегувањето на навивачите на теренот. Дополнително се наведува и дека стадионот на ПСЖ ќе биде делумно затворен на еден натпревар во европските натпреварувања, но таа казна е условна за период од две годони.
Казна доби и Милан, кој ќе мора да плати 20.000 евра поради нереди меѓу своите навивачи и уште 3.000 за фрлени чадните бомби.