Долгоочекуваното продолжение на научно-фантастичниот филм на Денис Вилнев „Дина“, кој триумфираше пред две години на 94. издание на Оскари, освојувајќи шест награди во категориите најдобар звук, музика, сценографија, кинематографија, монтажа и визуелни ефекти, пристигнува во кината на 29 февруари. Ова го потврдија од студиото „Ворнер Брос“.
Дина 2 дел го истражува митското патување на Пол Атреид, додека тој се здружува со Чани и Фремен во потрага по одмазда против заговорниците кои го уништија неговото семејство.
Овој епски спектакл адаптиран од истоимениот бестселер на Френк Херберт се враќа на големото платно со првокласна актерска екипа: Тимоти Шаламе, Зендаја, Ребека Фергусон, Џош Бролин, Остин Батлер, Флоренс Пју, Дејв Баутиста, Кристофер Вокен, Лео Сејда, Стелан Скарсгард и Хавиер Бардем.
И овојпат, екипата на режисерот Денис Вилнев ги вклучува речиси сите со кои работел на првото продолжение: Грег Фрејзер, директор на фотографија, Патрис Вермет, сценографија, Џо Вокер, монтажа, Пол Ламберт, супервизор за визуелни ефекти и Ханс Зимер, музика.
