Генералното собрание на Обединетите нации денеска усвои резолуција со која се повикува на итен прекин на огнот во Појасот Газа. Нацрт-резолуцијата беше поднесена од групата од 20 арапски земји и Организацијата за исламска соработка. За усвојување на резолуцијата гласаа 153 земји, 10 беа против, а 23 членки на ОН беа воздржани.
Меѓу земјите кои ја поддржаа резолуцијата е и Македонија, а Израел и Соединетите Американски Држави беа против.
Резолуцијата повикува на „итен хуманитарен прекин на огнот“, како и „сите страни да ги почитуваат своите обврски според меѓународното право, вклучително и меѓународното хуманитарно право, особено во однос на заштитата на цивилите“.
Дополнително, се повикува на „итно и безусловно ослободување на сите заложници“ и „обезбедување пристап до хуманитарна помош“ до Појасот Газа.
Нацрт-резолуцијата беше поднесена од групата од 20 арапски земји и Организацијата за исламска соработка.
