Американскиот претседател Џозеф Бајден, за време на прес-конференцијата со неговиот украински колега Володимир Зеленски во Вашингтон, ги прочита подготвените одговори на новинарските прашања од хартија.
„Смешната прес-конференција на Бајден и Зеленски. Претседателот Бајден јасно ги чита одговорите. Како ги знаеше прашањата?“, прашува американскиот новинар Бил О’Рајли на социјалната мрежа „Икс“.
На почетокот на прес-конференцијата, американскиот лидер згреши и рече дека ќе им го „постави првото прашање“ на новинарите – наместо тие нему.
На прашањето кога ќе му препорача на Киев да започне преговори со руската страна, Бајден зборуваше за наводните успеси на Украина.
Американскиот претседател наполни 81 година. Често е мета на коментари за неговите испади и незгодни ситуации при јавни настапи. Републиканците тоа го користат за да ги преиспитаат неговите ментални и физички способности да остане шеф на државата.
Потсетуваме, украинскиот претседател Володимир Зеленски пристигна во САД каде се сретна со американскиот лидер Џозеф Бајден. Американскиот претседател потпиша указ за доделување на нов пакет помош за Киев во износ од 200 милиони долари, кој вклучува муниција за противвоздушна одбрана, „хејмари“ и артилерија, како и против радарски ракети и противтенковска муниција.
