Германскиот канцелар Олаф Шолц изјави денеска, во врска со унгарското противење за членството на Украина во ЕУ, дека е неопходно квалификувано мнозинство да донесе повеќе одлуки во Европската унија, особено кога станува збор за проширувањето.
„Јас сум за повеќе одлуки да се носат со квалификувано мнозинство, вклучително и оние за пристапниот процес. Националните парламенти би го имале последниот збор, но една земја повеќе нема да може да го блокира секој чекор“, рече германската канцелар.
Повеќето земји-членки на ЕУ сакаат на самитот оваа недела да се започнат пристапни преговори со Украина и да се одобрат десетици милијарди евра натамошна помош за земјата која е во војната со Русија, но двата чекори се блокирани од Унгарија.
Шолц додаде дека целта на Западот е да продолжи да ја поддржува украинската армија со цел да ја зајакне одбраната на Киев до тој степен што Русија „никогаш повеќе нема да се осмели да нападне“.
