Иако германската марка беше повлечена од оптек во 2022 година, таа валута сепак можете да ја замените за евро. Во меѓувреме, марката не изгубила ништо од вредноста и германската Федерална банка ја менува по курс од 1.955 марки за едно евро.
Колку Германците сè уште веруваат во марката покажува фактот дека се уште има најмалку 12 милијарди марки во оптек. Тоа е повеќе од шест милијарди евра. Во таа сума, еден дел веројатно бил изгубен или заборавен во скривалиштата на домот. Сепак, сопствениците сè уште свесно задржуваат значителна сума, верувајќи во моќта и силата на германскиот бренд. Најмногу се чуваат банкноти од 100 и 1.000 марки, кои сочинуваат 49 отсто од преостанатите банкноти. Прецизните Германци велат дека во оптек се 17,1 милион банкноти од 100 марки и 1,1 милион банкноти од 1.000 марки.
Тоа не треба да изненадува бидејќи се сеќаваме дека банкнотата од 100 марки беше синоним за вредност. Сликата на Клара Шуман остана драго сеќавање за многумина, особено на Балканот, каде што марката секогаш беше резервна валута.
