Цејлонскиот цимет е богат со хранливи материи и лекови, вклучувајќи ги витамините Б, А и К, како и калциум, магнезиум, железо, фосфор и антиоксидансите холин, лутеин, ликопен и каротин. Благодарение на неговите лековити состојки, циметот може да ни помогне да спречиме и потиснеме многу здравствени проблеми со кои се соочуваме во зима.
Какви лековити ефекти има цејлонскиот цимет:
1. Антибактериски ефект
Цинамалдехид, кој се наоѓа во цејлонскиот цимет, ефикасно помага во борбата против бактериите и габичните инфекции, како и во спречување на болести на црниот дроб, жолчното кесе и респираторните органи. Конзумирањето цимет го намалува лошиот здив предизвикан од микробите, бидејќи има антибактериско дејство.
2. Антиоксидативно дејство
Цејлонскиот цимет содржи големи количини на феноли и флавоноиди кои имаат антиоксидативно дејство. Тие помагаат да се заштити телото од штетните ефекти на слободните радикали. Ова својство е корисно за одржување на младоста и убавината на кожата и за заштита на телото од предвремено стареење.
3. Го потиснува воспалението
Со оглед на тоа што циметот содржи есенцијални масла и антиоксиданси, помага во намалување на воспалението и има антибактериско и антимикробно дејство. Овој зачин ја содржи драгоцената состојка еугенол, која делува како антисептик и ги ублажува болките и грчевите. Циметот содржи и танини кои го ублажуваат воспалението и ги уништуваат бактериите. А тоа е она што ни треба во зимските месеци кога се бориме со респираторни инфекции.
4. Го намалува нивото на шеќер во крвта
Циметот содржи супстанции кои го зголемуваат нивото на инсулин во крвта. Кога се консумира, шеќерот од крвните садови полесно се апсорбира и навлегува во клетките, што доведува до намалување на нивото на гликоза во крвта. Ова својство е корисно за преддијабетес (метаболичен синдром) и дијабетес тип 2. Дијабетесот тип 2 се карактеризира со тоа што телото не е чувствително на инсулин, а полифенолот содржан во циметот ја подобрува чувствителноста кон него. Антиоксидансите кои се наоѓаат во цејлонскиот цимет имаат позитивно влијание врз функционирањето на панкреасот, кој е одговорен за производство на инсулин.
Како се користи
Можете да додадете цимет во храната или чајот. Додадете осмина од лажичка цејлонски цимет на секоја шолја чај и добро измешајте или пак во вашата овесна каша и смути. А ако боледувате од грип и настинки, направете чај со свеж корен од ѓумбир, неколку каранфилчиња и една лажичка цејлонски цимет.
