Тензичните главоболки и мигрените се најчестите типови на главоболки, но точната причина за овие состојби никогаш не е пронајдена. Барем до сега, ако им се верува на експертите.
Истражувачки тим во Германија ја проучувал магнетната резонанца (МР) на 50 пациенти за да ја анализира врската помеѓу зачестеноста на главоболки, болки во вратот и мускулите на лицето, пренесува Аваз.
Тие особено се фокусираа на трапезоидните мускули, пар големи триаголни ткива кои се протегаат преку задниот дел на вратот и рамената и водат до главата и лопатките на рамото, пишува New York Post, пренесува N1 Zagreb.
Истражувачите откриле дека оние кои страдаат и од главоболки од типот на напнатост и од мигрена покажуваат поголемо оптоварување на тие мускули на вратот. Со други зборови, главоболките се буквално резултат на болка во вратот.
Скенирањето со магнетна резонанца направени од истражувачите покажало дека учесниците во студијата, во деновите кога страдале од болки во главата и вратот, исто така покажале повисоки нивоа на непријатност во пределот на вратот, што покажува дека тие мускули биле воспалени.
Ова ги навело експертите да заклучат дека воспалението во вратот – кое може да се развие поради неколку причини, вклучувајќи лошо држење на телото, недостаток на сон, повреда и стрес – може да биде поврзано со тензични главоболки и мигрена.
– Нашите наоди ја поддржуваат улогата на мускулите на вратот во патофизиологијата на примарните главоболки – рече др. Нико Солман додаде во изјавата дека третманите кои ги таргетираат мускулите на вратот може да доведат до истовремено олеснување на болката во вратот и главоболката.
Солман истакна дека неинвазивните опции за третман кои директно го таргетираат местото на болка во мускулите на вратот, како масажа или акупунктура, можат да бидат многу ефикасни и побезбедни од лековите.
На луѓето кои боледуваат од мигрена им се препорачува да бидат прегледани од општи лекари и невролози, со што ќе се обезбеди навремена дијагноза и правилен третман.
На луѓето кои патат од мигрена им се препорачува и да спијат доволно часови, да го намалат стресот, да се хранат правилно и да избегнуваат други ситуации кои можат да влијаат на појавата на мигрена.
