Шпанската авиокомпанија „Иберија“ откажа 444 летови во периодот од 6 до 8 јануари поради штрајк на персоналот на земјата кој е незадоволен од одлуката да се префрли во посебна новооснована компанија со поинакви работни улови.
Шпанскиот аеродромски оператор AENA во септември организираше конкурс за давање услуги за прием и манипулација на багаж, на кој аеродромскиот сервис Ибериа загуби лиценци за осум аеродроми, па дел од нејзините работници треба да одат под покровителство на компанијата што победи, пренесува Mina business.
Групацијата „Иберија“ предложи формирање заедничка компанија во која би имала 20 отсто удел, а победникот на натпреварот 80 отсто и на која ќе бидат префрлени нејзините работници.
Групацијата објави дека штрајкот ќе влијае на 45.460 патници на летовите на нејзините авио-оператори – Ибериа, Ибериа експрес и Ер нострум – и ги наведе сите 444 откажани летови на својата веб-страница. Меѓу нив има домашни и меѓународни летови.
Компанијата истакна дека патниците можат да побараат промена на летот на друг датум или враќање на уплатените пари.
Покрај тој штрајк, синдикатот УГТ ги повика контролорите на летање на најфреквентниот шпански аеродром Адолфо Суарез Мадрид-Барахас да штрајкуваат од денеска до 7 јануари.
Со тој штрајк синдикатот сака да издејствува подобри услови за работа на „превработените“ вработени во контролните кули. Големиот обем на работа ја „загрозува нивната неопходна концентрација“ на тоа важно место за безбедноста на летовите, соопшти UGT Мадрид преку социјалната мрежа X, поранешна Твитер.
