Новата година носи со себе нови почетоци, па затоа многу луѓе донесуваат нови одлуки. Еден од најчестите во овој период од годината е слабеењето. Повеќето сакаат брзи и ефикасни решенија. Сепак, пребрзото слабеење или лишувањето од одредена храна може да доведе до бројни здравствени проблеми.
Кога не внесуваме доволно калории или ограничуваме цели групи на храна, веројатно не добиваме доволно хранливи материи. Ова може да доведе до здравствени проблеми како што се анемија, замор и опаѓање на косата. Недостатокот на хранливи материи може да влијае и на дигестивниот и кардиоваскуларното здравје, како и на здравјето на коските. Ова се некои од последиците од пребрзото слабеење.
Губење на мускулите
Постои можност да изгубиме мускулна маса. Ова може да го забави метаболизмот, што предизвикува нашето тело да се обиде да ги задржи мастите, забавувајќи го губењето на тежината. Исто така, може да се чувствуваме послаби и поуморни и да забележиме дека нашето тело не изгледа толку затегнато.
Нерамнотежа на електролити
Електролитите се минерали неопходни за нормално функционирање на телото. Недоволното внесување на овие важни минерали може да доведе до здравствени проблеми како срцеви проблеми и грчеви во мускулите.
Дехидрација
Кога брзо слабееме, поголема е веројатноста да дехидрираме. Ова може да доведе до главоболки, вртоглавица и замор.
Проблеми со менталното здравје
Може да доживееме стрес, вознемиреност и чувство на вина поради изборот на храна. Рестриктивните диети може да ги зголемат и шансите за прејадување, пишува The Baton Rouge Clinic.
Зголемување на телесната тежина
Ако не можеме да живееме со промените што ги правиме во исхраната долго време, нашето тело брзо ќе се обиде да ја врати старата тежина.
Најдобар начин за слабеење е да се фокусирате на здрави промени во животниот стил со кои можете да се придржувате долгорочно. Клучот за слабеење и задржување е трпението.
