Уште тројца тинејџери осомничени за вмешаност во убиството на украинскиот кошаркар во градот Оберхаузен во Северна Рајна Вестфалија се приведени во Германија.
„По насилната смрт на 17-годишен Украинец за време на пресметката во Оберхаузен, полицијата приведе уште три млади лица“, пренесува медиумската група РНД, повикувајќи се на полициско соопштение.
Осомничените се 14-годишен германски државјанин со грчко потекло, претходно ослободен поради немање цврсти докази и двајца Сиријци на возраст од 14 и 15 години. Сите се под истрага за заедничко убиство на украински тинејџер.
Главен осомничен и понатаму е 15-годишен државјанин со турско потекло, кој директно го избодел украинскиот кошаркар и неговиот преживеан пријател девет пати во градите и стомакот и оттогаш е во истражен затвор.
Мотивот за злосторството се уште е под истрага, а истражителите претходно изјавија дека „нема конкретни индиции за ксенофобично злосторство“.
Инспекторите проверуваат дали осомничените ја користеле истата тактика во грабежите. Се забележува дека групата тинејџери веќе била видена во слични злосторства.
Кошаркарскиот сојуз на Киев на 11 февруари соопшти дека украинскиот кошаркар Владимир Ермаков починал во Дизелдорф како последица на напад на улица, а неговиот соиграч Артем Козаченко е во стабилна состојба на интензивна нега.
Повредени се и 14-годишен Сириец и 13-годишен германски државјанин со либанско потекло.
Украинските медиуми претходно објавија дека нападот бил мотивиран од нивната украинска националност.
Јермаков и Козаченко, кои настапуваа за тимот на АРТ Џајантс Дизелдорф до 19 години, непосредно пред закажаниот натпревар беа нападнати со ножеви на улица.
