Државното правобранителство ги предупреди Русите да не учествуваат на протестите планирани во Москва по смртта на опозицискиот лидер Алексеј Навални, кој почина во затвор во петокот.
„Ве молиме имајте предвид дека овој настан не беше координиран со извршните власти на градот, согласно процедурата утврдена со закон“, соопштија од канцеларијата.
Низ социјалните мрежи се шират видеа и фотографии од жителите ширум Русија кои му оддаваат почит на Навални откако се прошири веста за неговата смрт.
„Во врска со ширењето повици за протести преку Интернет и социјалните мрежи, на кои граѓаните се поканети да учествуваат во масовни демонстрации во центарот на Москва во голем број, Московското обвинителство смета дека е неопходно да предупреди на недозволивоста на прекршување законот“, се вели во соопштението.
Московското обвинителство заклучи дека „наведениот масовен настан“ не е во согласност со извршната власт и потсетува дека незаконските масовни акции, повиците за демонстрации, како и учеството во нив, претставуваат повреда на член 20.2 од Законот за прекршоци , што може да резултира со лишување од слобода на сторителот.
