Актерот Роберт де Ниро изјави дека никогаш нема да го глуми поранешниот американски претседател Доналд Трамп, бидејќи, како што рече, „не гледа ништо добро во него“.
– Суштината на следните избори е Бајден против Трамп. Дали сакаме да бидеме во свет во кој луѓето живеат и уживаат или во кошмар. Гласот за Трамп е глас за кошмар, гласот за Бајден е враќање во нормала – изјави Де Ниро, пренесе Гардијан.
Де Ниро рече дека не сака да се чувствува како што се чувствуваше по изборите во 2016 година, каде, како што рече актерот, „не можел да поверува што се случило“.
-Тој човек е тотално чудовиште. Никогаш не би го играл бидејќи не гледам ништо добро во него. Но, воопшто ништо – тврди Де Ниро.
Де Ниро често го критикуваше Трамп, па зборуваше против него и за време на доделувањето на наградите Готам во декември.
– Поранешниот претседател не лажеше повеќе од 30.000 пати додека беше претседател и со тоа темпо ќе продолжи во одмаздничката кампања – изјави тогаш Де Ниро.
Трамп му одговори на Де Ниро, нарекувајќи го „тотален губитник“ чиј актерски талент е „значително намален“.
