Пет месеци по смртта на актерот Метју Пери, објавени се детали од неговиот тестамент.
Документите до кои дојде магазинот People открија дека Пери го оставил најголемиот дел од својот имот на Алви Сингер Ливинг Траст, именуван по ликот во филмот на Вуди Ален „Ени Хол“ од 1977 година.
Родителите на актерот Џон Пери и Сузан Морисон се именувани како корисници на фондацијата, како и неговата полусестра Кејтлин Морисон и поранешната девојка Рејчел Дан.
Пери го направи својот тестамент во 2009 година, а во него се наведува дека сите деца што можеби ќе ги има нема да имаат право на наследство. Сепак, актерот немал деца.
Документот откри и дека кога умрел Пери, имал повеќе од милион долари лична сопственост, заедно со уметнички дела, автомобили, накит, мебел…
За извршители на тестаментот ги назначил Лиза Фергусон и Робин Рузан. Продуцентот Робин, кого Метју го запозна во шоуто „Celebrity Lair“ во 2010 година, се откажа од заедничкото извршување на тестаментот, а Фергусон треба да се појави сам во Врховниот суд во Лос Анџелес на 10 април на сослушување.
Да потсетиме, Метју Пери ненадејно почина на 28 октомври 2023 година во својот дом во Лос Анџелес.
Тој имал 54 години, а обдукцијата подоцна потврдила дека неговата смрт била предизвикана од акутните ефекти на кетамин и давење.
Пери ќе остане запаметен како Чендлер Бинг, лик кој 10 години го играше во популарната серија „Пријатели“.
