Доналд Трамп денес треба да плати 454 милиони долари по основ на пресудата за измама или Њујорк би можел да заплени некои од неговите имоти.
Трамп, претпоставениот републикански кандидат на претседателските избори во ноември, мора или да ги плати парите од свој џеб или да обезбеди други гаранции со еднаква вредност во очекување на жалба на судската пресуда на 16 февруари, според која поранешниот претседател манипулирал со информациите за неговото богатство и големината на неговото друштво со цел да ги измами доверителите и осигурителните друштва.
Трамп ги преценил своите имоти како што е Мар-а-Лаго на Флорида и низа деловни згради и терени за голф, според неправосилната пресуда.
Тој денеска на социјалните мрежи повтори дека не е виновен и го нападна судијата кој досудил толкава сума. Неговата кампања во петокот повика на донации од „милион про-Трамп патриоти“, предупредувајќи дека и познатата кула Трамп е во опасност од заплена.
Трамп на социјалните мрежи објави дека има кеш во износ од 500 милиони долари, но сака да ги потроши за изборна кампања.
Овој случај ја нарушува репутацијата на Трамп како успешен претприемач. Тој се здоби со слава како развивач на вреден недвижен имот, вклучувајќи ја и кулата Трамп во Менхетен.
Сега тој има голем број финансиски проблеми кои стојат на патот за неговото враќање во Белата куќа, вклучувајќи го и фактот дека неговата кампања собира средства побавно од онаа на демократот Џо Бајден.
Како прв поранешен претседател на САД кој е обвинет, Трамп е обвинет во четири одделни случаи.
Тие процеси ги нарекува политички мотивирани и тврди дека е невин.
Ова не е единствениот процес во кој тој мораше да објави пари – тој објави обврзница од 91,6 милиони долари за да ја покрие пресудата за клевета на писателот Е. Џин Керол додека трае жалбената постапка.
