Контраадмиралот Даниел Хагари ја започнува својата прес-конференција со најава дека правилата на Командата на домашен фронт, воспоставени синоќа, ќе продолжат и оваа вечер. Тој го пофали одговорот од „регионалниот сојуз“ кој помогна да се соборат 99 отсто од муницијата испукана од Иран врз Израел. Околу 350 проектили и беспилотни летала, тешки околу 60 тони, беа истрелани врз Израел минатата ноќ, вели тој. „Нивниот план (на Иран) пропадна“, додава тој. „Само неколку проектили успеаја да навлезат во израелскиот воздушен простор и предизвикаа многу мала штета на инфраструктурата на оваа база на воздухопловните сили. Израел ќе одговори на иранскиот напад, но сè уште не се донесени конечни одлуки за големината или времето на одговорот, изјави израелски претставник за NBC News. „Јасно е дека Израел ќе одговори, прашање е кога и до кој степен“, додаде функционерот по неколкучасовниот состанок на воениот кабинет.
