Срцето од натписот со името на градот Гостивар се „облече” во македонското знаме и букви на кирилско писмо и од глаголицата. Иницијативата ја покрена Ема Нешковска и советничката група на СДСМ во чест на претстојниот празник посветен на светите браќа Кирил и Методиј, како и за Денот на македонското знаме, 15 мај.
„Ваквата активност е иницирана во пресрет на 24-ти мај, денот на сесловенските просветители св. Кирил и Методиј, кои се основоположници на словенската писменост и литература и се заслужни за културниот развој на сите словенски народи, меѓу кои и македонскиот.“, подвлече Нешковска.
Тие додаваат дека со исцртувањето на македонското знаме, во чест на 15-ти мај, Денот на македонското знаме, се испраќа порака за важноста од почитувањето на државните симболи и обележја.