Директорот на израелската разузнавачка служба Мосад, Јоси Коен, го обвини Иран дека стои зад низата неодамнешни напади врз цели низ Персискиот Залив.
„Со сигурност можам да ви кажам, од најдобрите извори на израелските и западните разузнавачки служби, дека Иран стои зад нападитет”, изјави Коен на годишната безбедносна конференција во Израел.
Коен ги спомена неодамнешните напади врз танкерите за нафта во Заливот, нафтените полиња во Саудиска Арабија и во Багдад, објави АП.
Тој тврди дека овие напади биле „одобрени од иранското раководство”, и дека повеќето од нив биле извршени од Револуционерната гарда.
