Македонскиот репрезентативец Дарко Чурлинов и официјално е нов фудбалер на Барнли. Англискиот клуб го претстави на интересен начин.
„Дали ви е страв од Дарко?“
Are you afraid of the Darko? ???? pic.twitter.com/QtPB1t7qcb
— Burnley FC (@BurnleyOfficial) August 19, 2022
Крилниот напаѓач потпиша четиригодишен договор со тимот од Чемпионшип дивизијата во Англија. Штутгарт ќе инкасира 5 милиони евра обештетување. Чурлинов лани играше на позајмица во Шалке, а претходно беше дел и од Келн, Магдебург и Кил.
„Навистина се чувствувам возбудено што сум тука и едвај ја чекам претстојната сезона. Нема време за губење и едвај го чекам утрешниот натпревар и сите останати следните недели“, рече Чурлинов на промоцијата.
Тој ќе биде во составот за дуелот со Блекпул утре, но засега не е јасно дали веднаш ќе добие шанса да дебитира.
„Дарко е напаѓачки ориентиран крилен фудбалер, кој работи многу на теренот и има силен менталитет. Имаме одлична соработка со Штутгарт и им благодарам што ни овозможија да доведеме млад и талентиран играч во нашиот тим“, рече менаџерот на Барнли, Венсан Компани.
???????? pic.twitter.com/aKtjeZvM6N
— Burnley FC (@BurnleyOfficial) August 19, 2022
