Младиот италијански тенисер Флавио Коболи кој е симпатизер на Новак Ѓоковиќ жестоко ја критикуваше ситуацијата во која се наоѓа српскиот тенисер. Ѓоковиќ ја освои титулата на Вимблдон, но веќе следниот ден падна на седмата позиција на АТП листата, а нови падови се можни ако не добие шанса да игра на турнирите во САД и во Канада.
Не знам што би требало да направиме, но фактот што најдобриот тенисер во историјата на крајот на годината ќе испадне од Топ 20 воопшто не е добар за тенисот“ – вели Коболи.
Новак ќе може да игра на УС Опен само ако до 29. август се промени законската регулатива во САД и биде дозволено невакцинирани странци да влегуваат во државата.
„Мислам дека треба да му дозволат да игра во Америка затоа што тој е една од причините поради која турнирите се популарни“ – додава младиот италијански тениср.
Ѓоковиќ поради тоа што не е вакциниран нема право да влезе во САД, а УС Опен објави дека за него нема да побара државата да направи исклучок.
