Британскиот пилотски сојуз на „Рајанер“ ќе ги извести членовите за можен штрајк во следните недели во спорот за условите за работа, објави Британскиот пилотски сојуз (БАЛПА) во средата.
Резултатите од гласањето се закажани за 7 август, а штрајкот на пилотите во Британија, најголемиот пазар на авиокомпанијата, би можел да се случи две недели подоцна, рече синдикатот во меморандум до своите членови.
„Рајанер“ претрпе серија штрајкови минатата година, а оттогаш се потпишани колективни договори за работни односи со голем број пилотски сојузи во цела Европа.
Генералниот секретар на БАЛПА, Брајан Струтон, во својата изјава рече дека не е постигнат напредок во разговорите за пензиите, придонесите за мајчинско остсуство и фер, транспарентна и конзистентна структура на платите.
„Не сме во можност да постигнеме никаков напредок со ‘Рајанер’ по ниту едно прашање“, рече тој.
Во меморандумот БАЛПА рече дека нејзините членови во консултативното гласање во голема мера го поддржаа потегот за одржување гласање за штрајк.
