Фудбалерите на Ливерпул вчера беа поразени од Манчестер Сити на дуелот во рамките на Комјунити Шилд.
Откако во регуларниот дел од натпреварот резултатот беше 1:1, победникот беше одлучен по изведувањето на пеналите, а како пресудна се покажа одбраната на Клаудио Браво кој го сопре ударот на Вајналдум, па Сити победи со 5:4.
„Тоа беше добар натпревар, силен во второто полувреме. Двете екипи имаа слична предсезона. Најмалку што заслуживме беше израмнувањето. Една одбрана го одлучи натпреварот и не можам да бидам разочаран“, изјави Клоп и додаде:
„Играта беше многу поважна. Знаеме дека се уште сме тука и дека можеме да играме вистински фудбал“, изјави Клоп.
