Спектаклот на „ангелите на Викторија“ нема да се одржи оваа година, е веста која шокираше милиони луѓе кои одвај чекаа да ги видат секси ангелите како одат на пистата.
Познатата манекенка Шанина Шајк (28), која е една од ангелите на Викторија, откри дека годинашното шоу на „Викторијас сикрет“ е откажано и со тоа ја изненади светската јавност.
Манекенката, која веќе 8 години е дел од престижното шоу, изјави за „Дејли телеграф“ дека е многу разочарана.
Светското шоу се прикажува на телевизија повеќе од две децении, со тоа што шоуто во 2018 година го следеа 3,3 милиони гледачи на малите екрани.
Според „Њујорк тајмс“, извршниот директор на компанијата „Викторијас сикрет“ потврдил дека модниот гигант подготвува и воведува некои новитети.
