На истекот од рокот предвиден за преселба на фудбалерите во Англија, Арсенал обезбеди две засилувања во одбраната откако „топчиите“ ги напушти капитенот Лоран Кошиелни. Како замена за него пристигна Бразилецот од редовите на Челзи, Давид Луиз кој потпиша двегодишен договор, а Киреан Тирни од шкотскиот Селтик во текот на денот остана уште да стави потпис на договорот со Арсенал вреден 25 милиони фунти.
Тренерот на Арсенал Унаи Емери со овие два трансфери треба да го реши прашањето во одбраната на тимот.
