Претседателот на Полска, Анджеј Дуда, во понеделникот рече дека контраразузнавачките служби на земјата откриле можни кинески активности за шпионажа на нејзината територија.
„Полските безбедносни служби спроведоа и спроведуваат активности во овој поглед, при што открија активности што би можеле да бидат квалификувани како шпионажа,“ рече Дуда за време на прес-конференцијата со американскиот потпретседател Мајкл Пенс.
Тој додаде дека обвинителите ги анализираат информациите што ги добиваат и дека доколку одлучат кривично да ги гонат оние што се вмешани, тогаш судовите ќе одлучат за ова прашање.
