Три одиграни натпревари од плеј-офот во најсилната кошаркарска лига во светот – НБА понудија изненадување во Западната конференција. Њу Орлеанс на гости против Феникс, најдобриот тим во регуларниот лигашки дел од сезоната, го возврати „ударот“ и со триумф од 114:125 израмни во серијата кој прв до четири победи на 1:1. Њу Орлеанс во разигрувањето стигнаа преку плеј-инот. Во изненадувањето ги предводеше Брендон Инграм на кого две асистенции му недостасуваа за трипл-дабл. Мечот го заврши со 37 поени, 11 скокови и 9 асистенции.
Во редовите на Феникс Девин Букер со 31 поен беше на ниво, додека одличен натпрвеар со 17 поени и 14 асистенции одигра и Крис Пол.
Mајами и Мефис ја искористија предноста на домашниот терен. Мајами забележа втора победа против Атланта (114:105) и поведе со 2:0 во победи во Источната конференција. Џими Батлер го предводеше тимот од Флорида до нов триумф.
По два одиграни меча меѓу Мемфис и Минесота на Западот, сега резултатот е 1:1 во победи. Мефис израмни со убедлив триумф пред своите гледачи од 124:96. Морант со 33 поени, девет скока и десет асистенции беше лидер во победничката екипа.
