Франција обезбеди место во следната фаза на Светското првенство во кошарка во Кина. „Петлите” го сторија тоа со победа од 103-64 над екипата на Јордан и со тоа се приклучија на Доминиканската Република, при што двата тима се квалификуваа напред, а во директна борба на 5 септември ќе се натпреваруваат за првото место на табелата, откако во моментов имаат 2 победи од 2 натпревари.
Французите целосно ги исполнија очекувањата на денешната средба, имено како огромен фаворит. Поведоа со 25:18 по првата четвртина, а на паузата веќе имаа уште поудобна предност – 50:33. Разликата во класата беше евидентна и во третата четвртина, во која Франција додаде уште 11 поени на своето водство за 78:50, а по последните 10 минути на таблата во спортскиот центар „Шенжен Беј”, стоеше резултат од 103:64 во корист на Европејците .
Нандо Де Коло (19 поени и 8 асистенции) и Руди Гобер (16 поени, 13 скокови и 2 блокади) беа главни актери во францускиот триумф.
Дар Такер на 20 години беше најпродуктивен за Јордан.
