За напаѓачот на италијанскиот фудбалски калчолигаш Милан, Рафаел Леао се заинтересира за уште еден врвен клуб. Дваесет и двегодишниот португалски репрезентативец го привлече вниманието на Манчестер сити.
Претходно Пари Сен-Жермен и Барселона пројавија интерес за ангажман на Леао.
– Раководството на „граѓаните” почна преговори со познатиот фудбалски агент Жорге Мендеш, кој е застапник на Леао, објави новинарот Николо Шира.
Според добриот познавач на италијанскиот фудбал, Милан не сака да го продаде напаѓачот за помалку од 70 милиони евра.
„Росонерите” му понудија на Леао нов договор до 2026 година со зголемување на платата до 4,5 милиони евра по сезона.
На 29 натпревари од сезоната во Серија А, играчот има девет голови и три асистенции.
