Руската Федерална служба за безбедност поседува информации за вмешаност на американските специјални служби во префрлањето милитанти на Исламска држава на северот на Авганистан, изјави раководителот на Петтото одделение на ФСБ, Сергеј Беседа на форумот во Казан, пренесува „Спутник“.
Според Беседа, целта на овие акции е да се дестаабилизира ситуацијата на јужните граници на Заедницата на независни држави. Во Казан се одржува годишниот форум на раководители на органите за безбедност и разузнавачките служби на државите од Заедницата. Тема на разговорите се заедничките напори за неутрализирање на предизвиците кои доаѓаат однадвор.
