Viber апликацијата е достапна на новите Huawei смартфони

Во рамки на Huawei AppGallery може да се најде и симне апликацијата Viber за сите корисници на смартфоните од серијата Mate 30, како и на останатите Huawei телефони. Кинескиот технолошки гигант Huawei поради трговската војна меѓу САД и Кина остана без Google апликациите и
лиценциран Android за телефоните од серијата Mate 30 што ја промовираше минатата недела.
Mate 30, Mate 30 Pro и Mate 30 RS Porsche Design ги имаат на располагање Huawei Mobile Services и продавницата за апликации Huawei AppGallery.
Viber го поддржа Huawei. Апликацијата веќе е достапна на новите смартфони. Добра вест за сите корисници на новите, но и на старите Huawei уреди е дека некои од познатите апликации од Google Play Store веќе се најдоа и на AppGallery.
Компанијата исто така најави дека ќе вложи 1 милијарда долари во развој на екосистемот Huawei Mobile Service.