Руските граничари заплениле три рибарски брода на Северна Кореја и уапсиле 262 члена на екипажот во водите за кои Москва смета дека е нејзина ексклузивна економска зона.
Бродовите се наоѓаат во пристаништето Находка, а граничарите заплениле товар од 30.000 лигњи и илегална опрема за риболов, се вели во извештајот.
Тоа е втор ваков инцидент овој месец, пренесува „Ројтерс“.
Русија веќе приведе два брода на Северна Кореја на 17 септември, кои нападнаа гранична патрола во руските територијални води во Јапонското Море.
