Народната партија на Австрија (ОВП) на поранешниот премиер Себастијан Курц оствари, според резултатите на излезните анкети, убедлива победа на денешните предвремени парламентарни избори во Австрија.
На второто место е Социјалдемократската партија (СПО) со 23 отсто од гласовите, што е за 3,90 отсто помалку во споредба со минатите избори.
Партијата за слобода (ФПО), неодамнешниот коалициски партнер на ОВП, освои девет отсто помалку гласови, што значи дека тие освоиле 17 отсто од гласовите. ФПО претрпе тежок пораз на изборите како последица од аферата „Ибица“ на нивниот лидер Ханс-Кристијан Штрахе.
Во парламентот се враќаат и Зелените кои остварија најголем скок со 8,20 отсто, и освоија 12 отсто гласови.
Во новиот состав на парламентот ќе бидат и Неос, кои сега имаат осум отсто, за 2,7 отсто повеќе од 2017 година.
Пратеничките клупи ќе ги напуштат пратениците од коалицијата „Сега“ на Петер Пилц, кој не го минаа цензусот поради тоа што освоија само два проценти на гласови.
