Зебра што избега од циркус во Германија е застрелана на автопат откако предизвикала сообраќајни незгоди и материјална штета, потврди полицијата во средата.
Два зебри избегале од циркусот во близина на северо-источниот град Тесин во средата наутро. Едната била безбедно фатена, но другата побегнала и по неа се трагало неколку часа. Таа била забележана на автопат околу 8 часот изутрината, предизвикувајќи сообраќајна незгода меѓу два автомобили што се движеле еден до друг.
Никој – вклучувајќи ја и зебрата – не бил повреден во несреќата, но автопатот бил привремено затворен, соопшти полицијата. Бегството на зебрата ја кренало полицијата на нозе.
Полицијата твитна предупредување до возачите дека има зебра на автопатот и да внимаат при возењето.
#Achtung, freilaufendes #Zebra behindert im Bereich Tessin/ Sanitz den Verkehr.
▶️Auf der A 20 gab es bereits einen Unfall.
▶️Auch ein Streifenwagen wurde beschädigt.Besondere Vorsicht rund um die A 20, ASS Tessin. Zuletzt wurde das Zebra auf der K 24 gesehen.
— Polizeipräsidium Rostock (@Polizei_PP_ROS) October 2, 2019
Тие се обиделе да ја фатат зебрата, но таа почнала да бега при што оштетила едно возило, откако се качила на хаубата. Оштето било и патролно возило на полицијата, а еден полицаец е полесно повреден.
Зебрата била бркана до околната ледина, бил повикан и нејзиниот тренер од зоолошката градина за да ја фати, но безуспешно. На крај била повикана Единицата за итни случаи за спасување на животниа, по што зебрата била застрелана.
Неколкумина го коментираа твитот на полицијата, прашувајќи зошто зебрата не била успиена наместо да биде убиена.
„Точните околности за пукањето сè уште се испитуваат“, се вели во соопштението за полицијата.
