Барселона и Интер можат да разменат фудбалери од средниот ред. Според новинарот Џанлука Ди Марцио, каталонскиот клуб им понудил на „Нероаѕурите” размена на Франк Кесие за Марсело Брозовиќ.
Интер во моментов нема одговор на понудата на Барселона. Оваа опција ќе треба да се разгледа и да се слушне ставот на самите играчи.
Брозовиќ моментално работи на закрепнување од повредата здобиена во хрватскиот тим за Светското првенство во 2022 година. Тој нема играно за Интер откако се врати од Мундијалот. Триесетгодишниот фудбалер има два гола на 10 натпревари во Серија А оваа сезона.
Кесие се приклучи на Барселона на слободен трансфер, откако неговиот договор со Милан истече минатото лето. Оттогаш, тој забележа осум настапи во Ла Лига, а на само два од нив беше во почетниот состав.
