Обезглавени мачки на тревник околу зграда во Ново Лисиче само неколку дена откако скопјанец пукаше со пушка во кучиња во оваа населба, јавува Канал 5.
Од невладините за заштита на животните бараат од институциите да ги засукаат ракавите и сериозно да пристапат кон решавање на овие случаи, кои за жал стануваат се почести.
На сличен грозоморен настан пред само 1 месец сведоци беа и жителите на скопски Аеродром каде до смрт беа искасапени 2 бездомни кучиња, миленици на целото маало. Полицијата отвори случај, но се уште трага по сторителот, на кого му се заканува затворска и парична казна од 3 илјади евра, според законот за благосостојба на животните. Пред само една недела пак, лишен од слобода беше скопјанец кој со пиштол пукал по кучиња.
