Себастијан Фетел најави дека не му е важно дали ќе заврши пред тимскиот колега Шарл Леклер во крајниот пласман за сезоната во Формула 1, иако најавува дека тоа е секогаш важно.
Германецот е на 9 бода зад младиот пилот во рангот, но смета дека преостанатите трки треба да се искористат од Ферари за да се акумулираат информации за 2020 година.
– Најнормално е да сакате да го победите својот тимски колега. Ова секогаш беше случај низ годините откако се натпреварував, па дури и во Формула 3, кога имав тројца колеги. На крајот на краиштата, станува збор за конкуренција и амбиција. Како што растеме, токму тоа е целта кога се натпреваруваме едни против други. Ние сакаме да бидеме најбрзи од сите. Во исто време, сепак, ќе има само еден шампион, затоа е важно за нас да ги користиме преостанатите натпревари за да собереме информации за да го задржиме нивото на тимот следната година, кога автомобилите во најголем дел ќе бидат исти. Сè што учиме, ќе ни помогне следната година, рече Фетел.
